轟動一時嘅男藝人艷照案主角，62歲劉公子（劉定成），6月時被裁定非禮及刑事恐嚇罪成判監17個月，上週四（11日）申請上訴期間保釋外出並獲批准，劉公子得以暫時「放監」。
入獄前風騷的劉公子，經過4個多月牢獄生涯，週日接受本刊獨家訪問，劉公子除披露體重急降45磅，更大嘆人情冷暖，不願再提眾契仔及男星。「冇契仔嚟探我……我之前真係玩得大咗！」
劉公子出獄遊老銅
出身富裕家庭，家住跑馬地，人稱劉公子的劉定成，早前因非禮及刑事恐嚇罪成判監17個月。身為廣東銀行行長霍芝庭後人，含金鎖匙出世，習慣全身名牌，一直食好住好的劉公子忽變階下囚，自然難以抵受牢獄煎熬。上週四（11日）申請上訴期間保釋外出時現身法庭，經過4個月的牢獄生涯，身形由以往飽飽滿滿變成火柴人，面部更凹陷，行路亦左搖右擺，似要被風吹起。
契仔反面
羅仲謙：對劉公子冇回應
上週四（11日）劉公子「放監」，滿頭白髮嘅佢被傳媒形容瘦咗23磅，但佢向本刊獨家披露，瘦咗45磅先真。
陳志健：冇回應
翟威廉：件事由得佢過去啦，唔想再提！
工人護送：週日（14日）劉公子由傭人護送下出街shopping，記者見他行路相當緩慢，過馬路要左右望十幾次先敢行過去
袁偉豪：希望佢好彩啦！啲相我唔使攞番，普通styling相啫。
行誠品食$98拉麵
入獄前劉公子相當風騷，對男記者有問必答，但踎了4個多月監後性情大變，變得沉默寡言，對傳媒追訪亦封口，只以微笑回應。本刊自劉公子於週四「放監」後連日追訪，週日（14日）劉公子趁天氣好離開跑馬地住所往銅鑼灣希慎廣場行街才願意受訪，他更首度披露獄中生活：「喺入面（監獄）都係睇吓報紙，知道有個新商場開咗，咪去睇吓。」之後更到誠品書店買咗一大堆感謝咭，不過劉公子話未諗到送畀邊個。記者再陪他到foodcourt，他點了98元的炸蝦拉麵，邊食邊感慨：「當你試過乜都無得食，就會好珍惜㗎喇！」
獨立囚禁冇鏡照
當日銅鑼灣人頭湧湧，唔少途人認出劉公子都大叫。記者與他逛完商場食埋飯，劉公子亦心情輕鬆，開始有問必答，但當提及契仔（4anda成員盧昕傑）及其他男藝人名字，如羅仲謙及袁偉豪等，他即時封口，「邊個契仔呀？我邊有呀？我想搵契爺添呀，哈哈……。」
對於體重急降原因，他表示：「我喺入面唔知自己係點樣，我獨立囚禁。入面無鏡照，只得塊好矇嘅鐵皮，隱約見到少少樣，佢哋叫『哈哈鏡』，我返到屋企先知自己變成咁，我都嚇咗一跳，原來我瘦咗45磅。（由於獨立囚禁）4個多月嚟冇人同我傾過偈，係食飯先可以睇報紙。真係好難捱，好悶，我每日做300幾下掌上壓呀。我唔會再亂講嘢，上次……真係玩大咗……我家會好珍惜每一日。（契仔有無嚟探過你呀？）冇呀，冇人嚟探過我。」
據知，劉公子的上訴聆訊最快可望於明年4月底進行，現以5萬元現金保釋外出，並交出旅遊證件等候聆訊。
出獄遊老銅
劉公子一直嬌生慣養，要踎監真係苦不堪言。上週四保釋後，劉公子叉足3日電，週日出動去銅鑼灣行街街，行咗4個鐘。食拉麵、行書店又揀名牌恤衫。
狂擦拉麵：去完誠品買感謝咭，劉公子即到樓下foodcourt食日式炸蝦拉麵。他說：「𠵱家有得食就得喇！乜都冇所謂
捐紅衫魚：行到銅鑼灣Sogo遇到籌款，劉公子即捐咗100蚊。
轉冧韓仔：東方神起
劉公子到銅鑼灣I.T試衫，試咗件4,000幾蚊嘅Ann Demeulemeester黑色恤衫及6,000幾蚊外套，最後冇買，期間更問記者：「有冇辦法幫我買到1月嘅東方神起演唱會呀？我要最貴㗎！」
劉公子只坐了4個多月監就獲保釋回家，黄國桐律師話上訴如果失敗，劉公子分分鐘要加監：「𠵱家保釋好似好着數咁，其實唔係，因為上訴判決刑期可加可減，法官可以將刑期加長，亦可以維持原判，但如果佢唔講明可扣除4個月（刑期）的話，咁就由監房監頭決定，當然亦可以縮減啦，所以𠵱家未可以樂觀住。」
4個月牢獄生涯
劉公子親爆獄中生涯，雖然唔使剪草、摺信封、印咭片，不過懲教署安排他獨立囚禁，相當苦悶，連同其他囚犯傾偈嘅機會都冇，簡直係度日如年。
冇鏡用：一向相當貪靚嘅劉公子，喺獄中原來未見過自己個樣，他說：「得塊鐵皮隱約見到自己個樣，我連時間都唔知，冇鐘冇手表。」
日做300掌上壓：劉公子喺獄中由於無所事事，所以每日做300幾下掌上壓，佢話：「呢幾日冇做喇，嗰陣悶啫，有咩好做呀唔係？」
傾偈都冇：被獨立囚禁嘅佢，食飯、沖咏自己一個人，冇人同佢傾偈，最relax係可以睇報紙。他說：「份報紙好多抽起晒，冇波經、馬經，有少少性感相都會被抽起。」
