上周五（9月28日），媽咪姐同班朋友去尖沙嘴K11嘅百樂潮州飯店食晏，食到中場時，竟然俾後面張枱個肥師奶嚇親，見佢邊大啖大啖咁質叉燒包，一邊又同朋友雞啄唔斷。食不言寢不語嘛，咁唔顧儀態嘅。當媽咪姐睇真啲時，呢個肥師奶竟然係80年代尾嘅少男殺手葉蘊儀呀。
11年11月
舊年11月本刊拍到葉蘊儀同囡囡行街，當時嘅蘊儀已開始橫向發展，但有長袖衫遮住，仲OK。
原本葉蘊儀同一男一女食晏，點知個男人坐咗唔夠五分鐘就走先，當其時已經嗌到成枱都係嘢食，唔知係咪怕俾人睇到兩個女人咁擦得，本來面向門口坐嘅葉蘊儀索性背向大門坐。
