【今日我至Friend】未來錢太湯盈盈噚日喺電視城同情敵岑麗香撞到正，不知幾老友鬼鬼，呢個場面咪叫friend過打band。
懷孕三個多月的湯盈盈，昨日與情敵岑麗香同場拍攝劇集《衝上雲霄II》，提到香香與錢嘉樂傳緋聞，盈盈對男友錢嘉樂投信任票，相信只是娛樂新聞一則，亦不諱言與香香私下好friend。盈盈亦表示將會減少工作，專心籌備11月舉行的婚禮。
湯盈盈昨日以神婆造型在電視城客串劇集《衝上雲霄II》，她乖乖地穿上平底鞋，同場有緋聞情敵岑麗香和吳卓羲。談到有傳香香與錢嘉樂因拍《巴不得媽媽…》傳緋聞，因而令盈盈不滿，不過昨日二人碰頭時相處融洽，盈盈說：「只係報道啫，我哋好friend，以前一齊合作主持明珠台節目已經識。」在旁的香香本來力邀盈盈出席昨晚《巴不得媽媽…》的飯局，不過略見疲態的盈盈表示要看情況才決定。
盈盈聽話着咗平底鞋，她透露會開始減少工作，專心搞婚禮。
預告繼續生休息了數星期的盈盈說：「雖然我返嚟開工有啲壓力，但見到啲同事好開心，個個都走嚟摸我個肚，不過我會慢慢減少工作。」問到BB的性別，她坦言要過多數星期才知，不過仔女並不重要，反正她會繼續生：「我啲朋友叫我趁呢段時間玩多啲，到生咗之後無時間周圍玩，不過我家要同Toby（梁靖琪）搞婚禮嘅事，但連婚紗都未揀，本來我諗住揀套好deep v，不過又怕11月天氣凍，而且佢（錢嘉樂）又話以簡單、舒服為主，所以遲啲試咗先算。」
提到好友Toby，湊巧同場又見吳卓羲，盈盈笑指吳卓羲的氣色差，不過全是戲中的對白，問有否追問Toby的緋聞，盈盈說：「我冇問佢呀，只係睇過啲雜誌，佢無乜嘢喎，只不過係做封面，所以先講到咁誇張，畀我都會咁玩喇。」
香香與錢嘉樂拍《巴不得媽媽…》而傳緋聞。資料圖片
工作量激增此外，香香昨日出席在鑽石山的宣傳活動，對於近期的工作量激增，香香笑說：「我無時間計呀，交晒畀經理人去安排喇，我連瞓覺嘅時間都唔夠，但係我都好開心，我好鍾意熱鬧。」
