美貌與智慧並重一向都係港姐嘅標準，不過港姐質素一路跌不特止，今屆仲零舍多是非。媽咪姐八到，是非源頭就係出爐亞軍黃心穎。
事緣係咁嘅，冠軍張名雅當初參選時咪流出唔少「攬仔」相嘅，查實，嗰啲相喺facebook private咗，只有「朋友」先睇到。張名雅與黃心穎同樣來自加拿大，而且識於微時，喺facebook做咗朋友，一啲都唔出奇。有指張名雅曾因此懷疑黃心穎向傳媒發放相片，可惜苦無證據，惟有繼續人前扮friend囉。
張名雅參選時曾多次流出攬仔相，難怪當事人會懷疑係「內鬼」所為。
落台坐番低，黃心穎一見鏡頭自動波四萬咁口，反觀張名雅（左）嘴藐藐，一臉不情願同對方影相。
