年度港姐競選將於8月舉行，無綫今年又搞新意思，除新增最高達港幣16萬元的提名人獎金，還收埋候選佳麗，至準決賽前才讓她們一一曝光，增添神秘感！兩位港姐冠軍陳凱琳及張名雅均稱不擔心影響收視，張名雅更有意推薦在美國生活的表妹參選。
（左起）蔡思貝、陳凱琳、張名雅、劉佩玥及歐陽巧瑩各以青春打扮招募「師妹」參選。
《2014香港小姐競選》昨舉行全球招募活動記者會，應屆港姐陳凱琳（Grace）、蔡思貝及上屆港姐冠軍張名雅等撐場，今屆以「人生總有幾個靚朋友，係時候交出嚟」作為招募主題，並以獎金吸納提名人，若然提名人所提名的參賽者成功進身準決賽，將獲港幣1萬元，最高有機會獲港幣16萬元，認真大手筆。
余詠珊（左）聯同張名雅在記者會上講解新招。
取消海外招募
大會統籌經理余詠珊於記招上透露，今年會保留民選制，但亦將大玩神秘，眾候選佳麗將待至準決賽前才正式曝光，問此舉會否擔心影響收視？她謂：「盡量做好節目，對香港小姐有信心，今次用另類方法，準決賽應該有20人左右。（海外招募取消？）唔會去浪費呢啲力，近年好多海外香港人都回流返嚟。（拍外景？）未決定到。」
陳凱琳撐無綫
對於提名人有機會獲得獎金，Grace透露身邊也有一、兩位朋友有意參選，問到是否想獨吞兩萬元？她謂：「我知道佢哋有呢個夢想，但都要了解佢哋心態，我自己參選都唔係玩玩吓，係好認真同尊重件事。（余詠珊話今年啲佳麗最後先曝光，擔唔擔心宣傳唔夠？）呢啲我唔識，但都有好處，等大家認識佢哋時已ready好。」
而張名雅則表示有意提名於美國生活的表妹參選，問她會否擔心佳麗過遲曝光影響收視？她謂：「希望創新高啦！港姐咁多人識，我每年都會睇，出街亦聽到好多回響，大家好支持。」
from:
http://orientaldaily.on.c ... /00282_008.html
