丁子高昨日展示其童年裸照（左上），右邊是囝囝Torres的初生照。
丁子高與楊千嬅前晚為囝囝丁進諾（Torres）慶祝百日壽辰，昨日丁子高出席活動，設計了金腳鏈給囝囝作禮物，同場展出他與囝囝的宣傳照。丁子高笑言囝囝是巨B身重腳粗，對鏡頭超敏感，他日夜為兒子拍片剪片。
丁子高、張燊悅及周國豐太太黃泳霖等昨日在尖沙嘴出席金飾活動，丁子高即場展示兒時的裸照，以及囝囝丁進諾的可愛近照，又親自設計了金腳鏈給囝囝作百日生辰的禮物，同場展出父子檔拍攝的宣傳照，相中小Torres只露肥腳仔而不露面。
三個多月大的小Torres是肥B一名，體重已達16磅。
丁子高設計了金腳鏈給囝囝作百日禮，父子檔搵真銀。
兩女之母的張燊悅，也笑丁子高要體諒千嬅的情緒起伏。
似足細個肥嘟嘟前晚丁子高與太太千嬅及家人為Torres舉行百日宴，他透露囝囝近況：「佢腳好粗，唔似三個月BB size，佢重16磅，我朋友啲兩歲女都係重二十幾磅。佢個樣都係似我，靚仔，有我細個嘅肥仔DNA，我8至12歲都超肥，10歲條腰已經36吋，佢食奶快過人，掃風快過人，陪月話佢可以肥啲，六個月大先調整。」
有指千嬅產後常發脾氣似速龍，日前更被指丁子高與千嬅口黑面黑似嗌交，他解釋：「嗰日朋友生日，我哋唔係嗌交，天氣熱，冇發，今朝先同佢跑完步，佢好開心，佢性情變番小野兔。」
同萬四人爭學位問到千嬅何時復工，丁子高表示太太已有很多工作等候，不過要辦妥囝囝入學才復工：「等個仔申請晒啲學校先，我哋想報嗰間學校有8,000人爭200個位，因為龍年競爭，家成14,000人爭，所以我哋會考慮報直系playgroup，家日日都喺屋企為個仔拍片剪片，禮拜日都要用成三個鐘頭幫佢剪片。」
