娜姐男友Avis《喜2》一片後知名度提升不少。
謝婷婷、周秀娜男友陳偉成（Avis）及恭碩良等昨日在又一城為戶外品牌行騷，Avis表示要儲錢與娜姐去旅行：「以前一年去兩、三次，今年一次都未去過。」是否太多緋聞激親娜姐，他說：「佢好大方，仲驚我冇新聞，不過我會小器，所以我可以有，佢唔可以。」
婷婷剛與男友在加拿大慶祝生日，她謂充滿甜蜜驚喜。
婷婷撐栢芝婷婷前晚與男友從加拿大慶祝生日回港，她表示雖然只去五日，但日日都有驚喜：「去到就收到好大束玫瑰，又去咗睇我最鍾意嘅Jason Mraz演唱會，7號正日生日食完飯，返到酒店又有蛋糕等我，佢真係畀好多心機。」對於本報拍得張栢芝三點式誘哥哥謝霆鋒箍煲，婷婷說：「去游水唔着三點式着乜？有次我俾人影，有記者問爸爸，佢話去沙灘唔着比堅尼，唔通着晚禮服呀。」
