周麗淇為胞姊任伴娘，開始籌備靚衫到法國。
周麗淇（Niki）與Janice Man昨晚現身銅鑼灣出席時裝新店活動，問Niki有關胞姊周汶錡月尾是否在康城舉行婚禮，她說：「如火如荼，好似……唔喺康城，係附近，呢啲留畀家姐講。」婚禮連搞三日？她說：「始終唔喺香港，安排啲朋友前後有啲節目，自己都趕緊劇，會請幾日假。」Niki將出任伴娘：「搵咗設計師設計，不過件衫未到手，其他衫仲未準備，希望到時有靚仔伴郎，不過家姐話男家嗰邊都結晒婚。」會否心急想結婚，Niki說：「冇，開心見到佢終於嫁得出，安樂晒。」
JM冇見樂基兒此外，JM搬出與男友李冠峰同住的屋苑，近日忙搬新居，對於老闆黎明與樂基兒再傳婚變，她說：「無啦啦又傳，冇見過樂基兒，最近喺公司見過黎生。」
