Kelly示範手錶時，表情多多。
陳慧琳（Kelly）和趙雅芝等昨日以代言人身份，在銅鑼灣宣傳手錶。Kelly自爆是趁兒子劉昇（蝦餃仔）和劉琛（小龍包）午睡出動工作，她一提蝦餃仔返學就開心：「佢仲開心，冇喊，返嚟好多嘢講，話唱咗10首歌。」更指幾個月大的小龍包已準備報名入playgroup。
Kelly指兩兄弟十分好玩，蝦餃仔不時會呷醋：「佢成日叫細佬玩，都知細佬冇反應。有時會扮細佬喊、扮細佬食手指嚟引我注意。」她又說：「試過蝦餃仔走嚟搵我，我咁啱抱住小龍包，佢即刻話『劉昇一個人，劉昇一個人……』，我即刻話細佬都要佢一齊照顧㗎。」提到同公司的張敬軒拒接亞視通告，Kelly表示自己不會太激進。
