熊黛林穿高跟鞋後超過六呎，與比她矮一個頭的新店高層祝酒，相映成趣。
拒婚浪子鄭伊健早前在演唱會後，半推半就下宣佈來年娶蒙嘉慧，終於給女友一個名份；熊黛林等了鑽石王老五郭富城多年，她指自己沒壓力，壓力應在城城身上，更放風指「仲有時間慢慢揀」，揚言不知誰才是Mr.Right！
熊黛林昨日在銅鑼灣出席日牌時裝活動，少露長腿的她，昨日穿高跟鞋後高逾六呎，跟新店短小精悍的高層相映成趣。
熊黛林表示不知城城是否她的Mr.Right。
「壓力喺佢度」蒙嘉慧終令浪子鄭伊健停下，明年結婚，熊黛林和郭富城拍拖多年，昨日問熊黛林有否壓力？她笑着說：「我做乜有壓力？壓力唔喺我呢度喎，喺佢度喎。」記者提議熊黛林向城城施壓，她說：「我唔識畀壓力，試過有朋友施壓叫男友結婚，但一有拗撬，個男仔就話係『你逼我』，如果我一時心急，咪搞到自己理虧？都係順其自然啦。」城城事業心重，又浪子性格，熊黛林說：「有幾多個男仔唔係咁隨性，好多男人喺未有家室前都係事業心重，我暫時唔急。」
媽咪想抱孫談到城城常說50歲結婚，豈非很沒安全感？熊黛林說：「我仲有好多時間慢慢揀，我要等Mr.Right！」城城不是Mr.Right？她說：「我都唔知邊個係。」她直認父母心急自己結婚生仔：「媽咪話35歲後生嘅BB冇咁健康，佢都心急恨抱孫，我希望自己可以喺有能力照顧時，生畀佢湊。」問到張達明努力抗癌，熊黛林父親患癌後康復中，她表示要給予病人正能量，要有信心打低病魔。
