【今日我至化】
票房差，祖兒睇到化晒啦，前晚都係專心唱歌，以免影響心情嘛。
容祖兒的樂壇天后地位近年似乎未有人可威脅，可惜她在影壇卻是票房毒藥，近作《DIVA華麗之後》票房慘淡。前晚祖兒直言派飛谷票房為時已晚，她更表明想跟影帝劉德華合作望改善演技，誓要撇除毒藥惡名，她又拉陳奕迅（Eason）落水：「講票房毒藥，Eason認第二，我唔敢認第一。」
容祖兒、林峯、陳偉霆和林欣彤（Mag），前晚在灣仔會展演出「新城數碼．巨聲靚聲音樂會」，Mag失聲久醫未癒，前晚她唱到高音時未能唱下去，她說：「呢段時間每句說話同問候我都記住，我信有奇蹟。」說畢即忍不住落淚。
祖兒覺得陳奕迅才是票房毒藥之冠，又說希望拍劉德華開戲。資料圖片
壓軸出場的祖兒唱出多首國語新歌，其中《霧裏看花》講及愛情，她說：「過咗30歲有深切體會，最緊要相信自己，有時唔好理人點講。」
失聲未痊癒的林欣彤在台上感觸落淚。
《DIVA》收400萬祖兒擔正的電影《DIVA華麗之後》上映20日，票房截至前日只有400萬，難怪祖兒仍被稱為票房毒藥，近日鴻福堂免費送該片門票谷票房，完騷後問到祖兒此事，她說：「仲派？唔係差唔多咩（指落畫）？套戲係藝術啲，但有口碑，所以唔介意數字，一早預咗唔會好好。」同是票房毒藥的張栢芝，其新片《河東獅吼2》在港上映6日，截至前日僅收13萬。
林峯贊成無綫普選歌王歌后。
30歲前受擺佈祖兒續說歌手拍戲要有好成績很難，更拉陳奕迅（Eason）落水：「講票房毒藥，Eason認第二，我唔敢認第一。明年有機會同佢再拍戲，可能負負得正。」英皇楊受成和寰亞林建岳將在電影合作，兩人日前笑言不介意開戲給祖兒和劉浩龍合演，對此祖兒說：「我想同劉德華合作多啲，佢靚仔又係影帝，可以學嘢。」
至於在台上講及感情，祖兒謂：「30歲前我係扯線公仔，做乜都要令人滿意，但30歲後想為自己着想。」對於內地歌手馬愛媛暗示曾與林峯相戀，林峯說：「唔好玩我，唔識佢。」
