要數呢期喺TVB最人氣急升的花旦，一定係近期緋聞不絕嘅TVB「新姣精」苟芸慧，簡直係男藝員見到佢都要避開吓，事關邊個行近啲，都會同佢傳緋聞，搞到苟姑娘大呼寃枉。
視后不時用個背脊「得」住苟姑娘。
上週五（24日），《怒火街頭2》喺深水埗有宣傳活動，身為女主角嘅胡杏兒當然有到場，不過眼見劇裏劇外都俾苟芸慧搶盡風頭，出名難頂嘅杏兒又點會由得佢威晒？杏兒幾乎冇同苟姑娘講過一句嘢。而苟姑娘就同FBI講佢已經買咗機票等佢媽咪由加拿大嚟香港探佢。有媽咪𥄫實，苟姑娘嘅緋聞應該可以停一停喇啩？
蛋撻新鮮出爐
苟姑娘唔怕熱，即時攞出去派街坊，咁親民，抵你成為宅男女神吖
呢排咁多緋聞，就連同謝天華拍劇嘅探班相，都被屈成「車震」，苟姑娘終忍唔住含寃爆喊。唉，鬼叫你紅咩？
