黃日華呢個星爸真係難做，既想阿女黃芷晴喺娛樂圈有一番作為，但又驚佢學壞！好似華哥係就係推薦阿女幫王維基拍劇，但就到實，呢樣唔俾，嗰樣唔得，咁咪輸蝕囉！上星期，媽咪姐見黃芷晴拍住由日模松岡李那同韓模蔡恩真率領嘅女子組合Girls Kingdom出席手機騷，班㗎韓辣妹個個低胸露長腿，又唱又跳鬼咁性感，玩遊戲時仲癲到走晒光。
同場嘅黃芷晴呢，着件高衩晚裝，俾風吹一吹露出美腿，就即時用手㩒實，行每步都小心翼翼，真係唔夠sexy囉！想下次再有廣告商搵你行騷？睇嚟黃芷晴要豁出去先得喇！
Girls Kingdom個個樣靚身材正，無論表演定玩遊戲都去到盡，踎低騷胸益街坊都笑晒口，唔怪得咁受廣告商歡迎。
阿爸話賣藝唔賣髀！（設計對白）
乖女，算妳啦！（設計對白）
