先後經歷醉駕、無牌駕駛及涉打女友鄺敏慧等官非的崔建邦，形象插水，由金牌司儀降呢到做9千蚊月薪的助導，但其高層緣向來不錯，今年5月終獲放生，全面復出各大無綫騷當主持。
據知無綫新任綜藝科主管余詠珊昔日是陳志雲《飯局》戰友，余一聲令下，輕易令崔建邦重生。本來金剛、糖妹做得好哋哋嘅《勁歌金曲》鐵定於十月換血，雙雙被叮走，由崔建邦接掌番呢個昔日舊「地盤」。最慘是即將被out的金剛仍懵然不知。
撈了近一年助導的崔建邦，幾乎所有打雜工作都做齊，曾自言想做導演的他，那一年邊學邊做，又唔敢遲到早退，努力最終得到回報。原來高層樂易玲及曾勵珍背後一直𥄫實佢，早前樂小姐公開大讚崔是人才；珍姐更出埋力，安排崔建邦復出前負責劇集《愛•回家》助導工作。知情者透露：「珍姐好少當面讚人，有次崔建邦喺口撞到珍姐，珍姐竟然開口叫佢『俾心機做啦』，口人來人住，唔少人都聽到㗎！之後佢就做咗《愛•回家》助導喇！」
去年崔建邦是非纏身被逐出幕前，本來主持的《勁歌》即被飛。今年初金剛與糖妹以得意組合接棒做主持，口碑一直唔錯。
高層余詠珊：捧崔建邦做志偉接班人！（真實對白）
高層個個撐
助導工作做了接近一年，高層們見崔建邦未有犯錯，加上近期無綫正鬧人才荒。而特赦崔建邦的最大功臣，就是新上任掌管綜藝科的非戲劇製作總監余詠珊。余詠珊是陳志雲的緊密戰友，當年《志雲飯局》便是由余一手創作，但隨着陳總涉嫌貪污事件，《飯局》亦跟着冚旗，余才過檔有線，後來再因何麗全過檔now而辭任TVB綜藝科主管，余詠珊再度回巢補上。以余跟陳總的關係，一定幫佢睇實崔建邦。
自余詠珊回巢TVB後，為增強綜藝科氣勢，她策劃「港姐」搞真人騷扮不和博出位，及「一人一票選港姐」，由觀眾投票選出三甲，搞到班港姐人心惶惶。余主理的《玩轉3周1/2》收視創新低更劣評如潮，個個在背後都叫佢「女魔頭」。
據知情者透露：「Sandy（余之洋名）成日都有搞作，佢尤其對音樂節目好有興趣，所以一返工就做《翡翠歌星紅白鬥》，仲搵Amigo（崔建邦）做『放監』第一個大騷司儀。佢人前人後都話Amigo好有talent（才華）！」事實上由余詠珊負責的今屆港姐，早已安排了崔建邦擔當所有外景、記招及決賽晚司儀。
《勁歌金曲》將於十月中進行換血大行動，崔建邦將會重返昔日「舊地盤」，而得意組合金剛與糖妹（黃山怡）卻因此冇得留低。
港姐司儀
余詠珊做策劃的今屆港姐，所有活動均由崔建邦任司儀。
主持總選
陳志雲離巢前依然照顧崔建邦，去年11月安排仍是助導的崔，拍住志偉、草蜢等主持《勁歌》總選。
金剛：佢係叻仔
對於即將要執包袱走人，金剛仍懵然不知：「係咩？唔係啩！我唔知喎！（俾崔建邦做番，會唔會覺得有欠公平？）我同Amigo好friend㗎，邊個做都冇所謂啦，咁佢真係好聰明、好叻仔，況且公司有制度，我哋呢啲做細嘅控制唔到喎！只可以聽話囉！」
糖妹亦表示未收到通知：「未聽過，有得做梗係好啦，如果真係冇得做，都希望TVB俾機會我做其他節目啦！」
其實金剛與崔建邦私交甚篤，去年兩人才結伴出席獎門人曾志偉的生日派對。
04年余詠珊回巢無綫，並與陳志雲開晒記招揚言「大展鴻圖」，《志雲飯局》更是余策劃的，兩人合作無間。
近月余詠珊策劃的綜藝節目《玩轉3周1/2》集齊全台藝員拍趣劇，但卻劣評如潮，收視激低，更因而被指「女魔頭」。
捧做志偉接班人
風趣搞笑的金剛，近年在無綫冒起得快，很多節目都有份，去年便夥阮小儀拍飲食節目《街坊廚神》，大獲好評。
余詠珊親證叮走兩人：「佢哋咁忙，出去發展吓啦！要換就換晒兩個，遲啲有機會再安排返嚟囉！至於Amigo係一個人才，點解唔俾機會佢？你留意吓依家有幾多個有份量嘅司儀，男嘅搵來搵去都係志偉哥、叻哥，女嘅仲缺貨。但我唔可能永遠都用志偉，我覺得Amigo有能力做到志偉做嘅嘢，搵佢做接班人最好不過。（因為崔建邦係你愛將？）個個都係我愛將，啲人話我女魔頭，多搞作，我冇乜所謂，搞作不嬲都係我嘅工作。」
被余詠珊厚愛，崔建邦卻不敢高攀：「唔敢唔敢。講真，好多謝TVB冇遺棄我，俾機會我，我會爭氣盡力做足本份。（但你返嚟踢走咗金剛？）唔好咁講啦！我好希望同金剛一齊做，我覺得同佢會好有火花。」
網友半撐金剛
金剛雖然只做了數月《勁歌》主持，但已獲不少網友力撐，就算即將要執包袱，都無憾啦！
