陳奐仁累老婆捱夜

上禮拜四（9日），國際級嘅脫衣舞娘Dita Von Teese喺澳門新濠天地開騷，音樂人陳奐仁都去朝聖。當晚佢嘅節目好鬼豐富，睇完騷之後，去埋飲嘢，最後一站就去賭場。凌晨1點，佢仲同老婆Prima喺賭場踱來踱去，最後揀咗玩老虎機。



第二日下午2點幾離開酒店，陳奐仁即刻陪老婆去買手信呵番，算你識做啦！

媽咪姐見佢愈玩愈興起，玩咗幾個鐘都唔願走。唔知佢係咪手風麻麻，成晚換咗4部機，Prima就全程跟到實。玩到凌晨4點，陳奐仁開始煙駁煙，而老婆Prima就挨喺佢膊頭口擘擘、捽眼，十級眼瞓，真陰功。