陳奐仁勁抽水

○八年已經同經理人女友Prima拉埋天窗嘅陳奐仁，結婚六年依然恩愛，人前人後「BB」相稱，比起林峯同吳千語更肉麻。陳生陳太主張二人世界，仲話覺得個世界太辛苦，唔想小朋友去面對。

上個禮拜四（五月八日），陳奐仁同太太同幾個朋友加個幾個月大嘅BB去街街。自己唔生，但陳奐仁兩公婆明顯勁鍾意細路，摸面、捉手、錫錫，向朋友個B連環「抽水」。

老老實實，唔使擔心搶奶粉，又唔使通宵排隊爭學位，玩人哋嘅，幾時都好過自己生嚟！

搭升降機，陳生陳太一齊「隊」個嘴埋去錫BB，之後陳奐仁仲加料錫埋頭仔。