近排新聞多多嘅苟芸慧，先傳同周麗淇爭做嘉穎嫂，更被《FACE》踢爆「一嗲五」，連鄭嘉穎在內，包括蕭正楠、陳豪、曹永廉及梁烈唯，電力勁過佘詩曼。
切燒豬嗰陣，苟姑娘雖然企喺後排，但睇佢個勢應該好快同第一排嘅楊怡平起平坐。
上週二，苟芸慧同蕭正楠喺新劇拜神儀式碰頭，苟姑娘全程避開蕭公子，兩人切燒豬時更分站兩排，FBI當然要求佢哋合照啦，蕭正楠即刻講笑咁話：「俾你累死喇！」苟姑娘聽到即刻扁嘴話：「又關我事？」短短2句對白，苟姑娘又施嗲功，TVB新姣精真係非佢莫屬。
李亞男拉埋苟姑娘一邊傾心事，其間苟姑娘突然眼濕濕，李亞男即刻安慰。
