近排炒到行嘅周秀娜、陳偉成（Avis）同Mia係咪真係三角戀？咪咁天真啦！雖然娜姐𠵱家長期滯留強國搏殺賺人仔，不過一有假期返到香港，第一時間都係約埋男朋友Avis黐到實補番數。
同Mia炒完緋聞，Avis又同娜姐傳過不和嘅Jeana玩嘴對嘴餵酒
在公緋聞任砌、在私Avis同娜姐結伴睇樓盤廣告，打風打唔甩。
FBI上星期就喺大坑撞到佢哋拍拖行地產代理搵樓，你唔好話，雖然Avis正職係髮型師，第一次做戲，不時扮同Mia有路、首映夜又同Jeana玩得癲，真係交足戲。𠵱家戲拍完，可以黐番女友，唔使再做戲啦！
