《今日我至騎》
彭導同阿澤拖住隻「騾神」係咁騎，其實畀佢唞吓得唔得？
本土製作《低俗喜劇》撼贏萬人迷影帝梁朝偉和周迅主演的《聽風者》，前晚《低》片演員杜汶澤、陳靜（DaDa）和導演彭浩翔等搞慶功宴，阿澤及彭浩翔不但即場上演跟騾仔公仔的不文動作，更大擦「包皮卷」及「乳頭腩」贈興。
杜汶澤、陳靜、邵音音和導演彭浩翔前晚到北角街市，出席電影《低俗喜劇》慶功宴，該片截至前日上映五天票房已達817萬。
現場擺放兩隻騾仔公仔，杜汶澤和彭浩翔更演繹戲中跟騾仔的不文動作，當晚菜單也加入不文字眼，例如有爆醬菇菇、鮮炸包皮卷、操爆醉蟹、黑椒乳頭腩及薑汁X米涼粉等，認真抵死。
執膠粒贏戲飛問到票房，杜汶澤希望今星期可衝破1,000萬，會否拍續集？他表示未必，但希望更多香港電影人拍回本土製作。他又透露已傾掂不少投資商開戲，下半年他會開拍新戲做監製。提到早前自爆曾有出家念頭，阿澤說：「因為之前唔係好順利，所以先諗番。」若出家，老婆田蕊妮怎算？他即笑言：「佢嫁畀我預咗死。」不過，現在他不會輕易有此念頭。
DaDa就表示老闆承諾票房有1,500萬會請眾人去旅行，她笑言已執定行李想去日本。她又表示拍完此戲多了片約斟洽，是否封胸？她說：「唔係，我冇刻意諗，但全裸一定唔得，因為媽咪唔畀。」另外，彭浩翔在微博召集網友稍後到海灘執膠粒，參加者有機會得到戲票，一同為拯救生態環境出力。
DaDa跟前輩邵音音的對手戲雖不多，但她坦認獲益不少。
阿澤和彭浩翔齊為電影大收飲勝。
慶功宴菜單《頭盤》
爆醬菇菇（跟多士）
日本柚子醋番茄
鮮炸包皮卷
《主菜》
凍瀨尿蝦
合家炒羔蟹
蟹羔精蛋白
操爆醉蝦
花鵰蒸鹹濕阿伯蜆
黑椒乳頭腩
爆炸雞
低俗鹹豬手
多汁鮮魷
九層塔炒齋
葱油灼勝瓜
鴨汁荷葉飯
《甜品》
芝士蛋糕
薑汁X米凉粉
