陳敏之噚晚着住銀色tube dress，喺中環街頭拍廣告，閃閃令非常搶鏡。
陳敏之噚日傍晚喺中環街頭，為一間纖體公司擔任代言人拍廣告，嗰個時間撞正中環好多人放工，所以有人圍觀。敏之先着住件銀色tube dress出嚟展示佢嗰對40吋長腿，佢接受訪問時話，為咗今次拍廣告足足戒食咗幾日。
敏之話好開心可以第一次拍電視廣告同有化妝車化妝。
慳妹輪公立醫院敏之話：「今次個電視廣告會有好多造型，啲衫都好貼，全部都喺美國訂造番嚟，所以呢幾日都唔敢食嘢同要早瞓，都有性感㗎，不過主要都係露長腿，同埋都係以高貴優雅為主囉。」
敏之仲話平時報紙、雜誌廣告就拍得多，電視廣告都係第一次，最開心係可以有化妝車化妝。對於有消息話佢輪街症，佢就解釋睇開嘅醫生喺公立醫院做，所以去睇啫，敏之話：「我主診醫生喺公立醫院做，唔係錢嘅問題，不嬲公立醫院嘅設施最好，我今次係例行檢查求心安啫，多謝關心。」佢仲話雖然自己都係慳家之人，但應用就會用喎。
