陳敏之新婚老公回港撇妻

1^# 大中小 young 發表於 2014-10-6 11:31 發短消息

相關主題: 陳敏之

日前喺峇里結婚嘅陳敏之前晚返港，陪住佢出閘嘅係契姐伍詠薇，老公雷偉信就繼續玩低調，估計佢喺另一邊閘口離開。問敏之點解唔拖住老公手出嚟？佢話：「走咗！其實佢好低調，我都想保護番佢，佢又唔係呢行嘅人。我哋唔鍾意咁，呢樣佢個人問題，我都要迎合番佢。」只係新婚幾日未度蜜月就要趕返香港，敏之話因為過幾日要開工，暫時冇計劃造人，亦唔會喺香港補擺婚禮，但會同親戚朋友食飯。

陳敏之喺峇里結婚，但老公低調唔露面。

資料圖片
月尾開舖創業

雖然做咗雷太，不過敏之冇諗過要做少奶奶等老公養，相反除咗做幕前之外，嚟緊仲會向商界發展，聽聞佢會喺北角開糖水舖，敏之澄清話：「唔係喎！我係開曲奇餅舖，月尾開張，我都有喺工場學過整曲奇，因為識整先知道用乜嘢材料好食，連個罐嘅設計都有畀意見，好想試嚇創業搞小生意，呢個係我第一個生意。」敏之話今次係同圈外朋友合作，老公唔係股東。

撰文：馮仁昭
From:http://hk.apple.nextmedia ... 141006/18890331

廷伸閱讀/相關主題推介:

相關主題:陳敏之

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-6 11:37 發短消息

陳敏之晒長腿賀新婚

有「索腿天后」之稱的陳敏之日前於峇里，與相戀10年的圈外男友雷偉信（William）結婚。正享受新婚樂的敏之，昨日於微博上載一張於沙灘晒長腿兼跳起的開心相，並留言說：「Cheer Up！」還附上兩個太陽貼圖。婚後的敏之，榮升雷太，雖然穿上三點式泳衣，但卻穿上黃色的上衣，只是晒腿，收起身材和事業線。
from:http://hk.apple.nextmedia ... 141005/18889482

TOP

3^# 大中小 young 發表於 2014-10-6 21:26 發短消息

陳敏之月底做老闆，試推「臥底餅」

有份演出無綫劇集《使徒行者》的花旦陳敏之，剛在峇里結婚回港，便忙於進軍商界開曲奇餅店，據知她的餅店將於本月底開張，她更承認近日因該劇於中港兩地熱播，產生的「使徒效應」令她心郁郁構思開創「臥底餅」，她笑謂：「『臥底餅』嘅構思都幾得意，要諗諗！呢排都忙緊開舖嘅嘢，要頻頻試味。」問她開張當日會否邀請同劇的「戰友」前來撐場？她透露已邀好友森美做司儀，並已邀請「木蚤」梁烈唯做嘉賓，她笑謂：「都會通告其他『臥底』。」

陳敏之為了新餅店出心出力，更頻頻試味。

除了新婚之喜和進身「老闆」外，敏之亦因「使徒效應」而獲「益」良多，她受訪時直認因劇集而接了不少商演工作，另外她最近又躋身內地網站的「尋藝」榜20名之內，明顯人氣急升！

from:http://orientaldaily.on.c ... /00282_004.html

TOP

4^# 大中小 young 發表於 2014-10-6 23:31 發短消息

陳敏之新婚攰爆

陳敏之於峇里舉行婚禮後，剛已返港，同行還有一班出席婚禮的好友伍詠薇、梁烈唯等。敏之接受訪問時坦言連日忙於籌備婚禮，現時感到很疲倦，問何時復工？她坦言本月8日會出席活動，問婚後有否打算立即生小朋友？她坦言暫時未有此打算。而敏之昨於社交網上載一張在峇里海邊開心到跳起的相，還有與伍詠薇合照，心情甚佳。

陳敏之
From:http://orientaldaily.on.c ... /00282_036.html

TOP

5^# 大中小 young 發表於 2015-5-30 14:06 發短消息

陳敏之嗲老公吹頭

陳敏之有對長腿之外，仲有把長髮，最近就有產品商睇中佢把秀髮，搵佢拍咗個染髮劑短片廣告，呢條短片圍繞住敏之近呢10年嚟嘅經歷。敏之話：「同老公有樣嘢係10年不變，就係幫對方吹頭髮，我好享受老公幫我吹乾頭髮嗰刻，有一次佢因為整襯手腫晒，但都堅持要幫我吹頭，令到我好感動，嗰一刻真係覺得自己係全世界最幸福嘅人。」

撰文：馮仁昭

馮仁昭
from:http://hk.apple.nextmedia ... 150526/19159975

TOP