混血名模Amanda S.舊年做餅店老闆娘後，日日落舖頭做生招牌。大家咪以為生意仔賺蠅頭小利，聽聞每個月生意額最少都過十萬！所以早前媽咪姐先講過，有賊仔想開佢部收銀機，好彩俾醒目嘅Amanda發現，喝退咗咋！
不過點都好，生意要做，亦要請人幫手睇住間舖。前幾日媽咪姐就見到一身行政look嘅Amanda，同個四眼男面試。呢位靚女老闆初頭冇乜笑容，好彩兩個愈傾愈好傾，最後Amanda微微笑，怕且四眼男都得米。不過咁，之前擺起老闆款嘅Amanda，事後竟然喺餅店當眾伸手入衫度痕！雖然依家少做幕前，不過做得老闆娘，都要有儀態至得㗎。
Amanda面試緊都要望住部電話，做老闆娘，確係日理萬機！
後尾女助手加入一齊面試，Amanda坐直個人，揸筆發問，老細款出晒。
