《今日我至Man》
Shine前晚開騷剝衫娛賓，估唔到纖瘦嘅佢哋內裏係好man嘅朱古力腹肌，唔輸蝕前日喺中環嗰80裸男。
徐天佑和黃又南重組組合Shine，前晚在九展開騷，他們在台上施盡渾身解數，除衫騷肌肉外，還互攬摸胸大玩斷背。Cookies其中七位成員為Shine擔任嘉賓，大玩那些年情懷。
前晚一連三場「Shine Again演唱會2012」在九展開騷，Shine邀請已拆夥的Cookies擔任嘉賓，與鄧麗欣傳不和的傅穎，稱有工作在身缺席，而嫁人移居加拿大的蒲茜兒亦因懷孕未能返港。演唱會吸引惠英紅、黃偉文及與又南傳過緋聞的杜如風等撐場。
已拆夥的Cookies七名成員畀面Shine任演唱會嘉賓。
Cookies重聚任嘉賓Cookies在台上演唱Shine的《勁愛你》，曾經拍拖的楊愛瑾（Miki）與天佑時有擦身而過，但沒有交流，又南在台上爆料：「當年天佑搵佢哋（Cookies）玩唔預我，仲走上人哋巴士。」事後鄧麗欣（Stephy）笑說：「當年我哋有份喺巴士，但係唔係搵我哋。」Miki面燶燶說：「你係咪friend嚟㗎！」問Miki有否回想當年拍拖情景？她尷尬說：「唔好講呢啲。」
Shine唱快歌跳舞時，動作生硬似機械人，又一快一慢欠默契，但二人演繹張學友的《頭髮亂了》時突然除衫大騷肌肉，即令粉絲嘩聲四起。兩子還扮草蜢唱《失落園》，天佑從後攬住又南兼摸胸，基味甚濃。
天佑以鋼琴彈奏《茶餐廳》時，回憶起人生的低潮，佑南想起當年為父還債的辛酸時，講到眼濕濕。
