Shine的紅館兩場演唱會前晚完成，曾跟黃又南傳緋聞的杜如風連續兩晚到場支持，而捲入黃浩飯局事件的徐濠縈及梁漢文（梁炳）老婆Karen亦有出現，梁炳更風騷上台做嘉賓，把是非暫時拋諸腦後；被捲入的向太陳嵐直言叫黃浩母親致電清楚交代事件。
自從去年在黃偉文（Wyman）作品音樂會上合體反應熱烈，Shine繼復合踩入九展開騷後，除夕夜首次在紅館舉行一連兩場演唱會，依然座無虛席。早年和又南傳緋聞的杜如風連續兩晚到場支持，早前捲入黃浩食肆飯局事件的徐濠縈及梁炳老婆Karen亦有現身睇騷，三人並肩而坐相當投入，更有到後台和Shine合照。
【今日我至靚】阿徐同飯局好友、梁炳妻子Karen等前晚捧Shine場，睇佢哋心情似乎好靚，一啲都冇受影響。 微博圖片
梁炳（中）擔任Shine嘉賓，情緒高漲。
梁炳心情靚
梁炳與Wyman擔任嘉賓，雖然有傳梁炳因黃浩事件跟曾志偉鬧翻，但似乎未有影響心情，他在台上對Shine笑言：「你哋入行對我影響好大，當年我17歲入行，啲人成日用好怪嘅眼光望我，覺得邊有人咁瘦，但Shine入行後就有同類，十足好似有隻蜘蛛喺背脊。」
中國星老闆向華強胞兄向華炎前晚在尖沙嘴舉行80大壽壽宴，向太陳嵐與夫婿及兩名兒子向佐及向佑現身祝賀。提到日前黃浩飯局事件，有指黃浩恃着是向華民契仔，問到向太會否覺得黃浩個人恩怨不應牽涉向家，向太直言：「叫佢老母打畀我。」之後她即急步趕入席。
向華強與向太出席胞兄壽宴，向太聲言會叫黃浩媽咪打電話給她。
天佑唱到走音
另外，Shine唱出《男人最痛》時，又南作狀扮揸天佑下體，搞到fans尖叫，天佑唱新歌《愛迪生》時不慎走音，又南更唱到瞓地，天佑取笑他：「你好似唔係好掂。」當晚足足安哥三次，天佑和又南一度互相除對方上衣送給觀眾。Shine事後接受訪問時坦言現在終可鬆口氣，因為壓力真的很大，至於又南在演唱會提及的前女友，他透露：「我有請佢嚟睇，佢應喺第一場嚟咗。」
採訪：文國駿、唐如
攝影：仇志德
From:
http://hk.apple.nextmedia.com/entertainment/art/20130103/18121110
