大使碌爆咭，一度俾追數公司周圍刮，搞到身邊朋友受到連累嘅李蕙敏Amanda，大部分時間日伏夜出，見到日頭，見唔到佢！
上星期四（七月二十六日）晚，《壹》仔喺中環又見到「喜愛夜蒲」嘅Amanda出動，同行有男有女，有中有外。十二點幾，Amanda由朋友拖住離開酒吧，同過往一樣，都係飲到腳浮浮！是夜Amanda喺條街騰來騰去噏東噏西唔願走，朋友拉佢行東佢行西，之後索性fing甩對方隻手。
二五話雖然仲有人搵Amanda返大陸唱騷，但都係十年唔逢一閏嗰隻。經濟情況冇變，仲要沉迷蒲吧買醉，結果會點？請李蕙敏自求多福！
露腩又露髀嘅李蕙敏high爆，仲fing甩拖佢嘅朋友唔願走。
同一大班人中環蒲吧，十二點過啲，李蕙敏已經飲到要人拖住行
習慣夜晚活動，偶然日間出動，李蕙敏例必戴帽包到冚。
