張敬軒同關智斌斷背情傳咗幾年，前年又被拍到秘密同居，軒仔當時以每月三萬蚊租西貢別墅，so sweet！但FBI最近好少見到兩人出入，最近FBI仲發現軒仔約埋一班肌男，到中環歎日本菜飲sake。
二人因合作《我》舞台劇認識。
當晚軒仔醉到目光呆滯兼情緒high爆，身邊仲出現咗舞台劇演員Bobby劉守正，相信兩人因演出《我和秋天有個約會》而認識。唔講唔知，Bobby喺舞台劇界好出名㗎！廿幾歲已經做咗「劇帝」，今年又憑《最後晚餐》獲得「第四屆香港小劇場獎最佳男主角」，睇嚟小斌女今次遇到對手喇！
醉爆嘅軒仔，全程做人肉攬枕，男又攬、女又攬。
