譚詠麟同杜麗莎嘅《Time After Time演唱會》喺紅館開得如火如荼，兩個雖然加埋過百歲，但薑果然係老嘅辣，佢兩個活力十足，由60年代到今時今日嘅金曲一首不漏。
當唱起連串快歌時，台下觀眾似食咗興奮劑咁，企起身又唱又跳，氣氛熱烈。咁阿倫開騷，老友阿叻、李克勤當然係觀眾，但估唔到睇得最high嗰個，竟然係今年80嘅胡楓，見修哥起勢咁fing手搖頭，仲激動過媽咪姐呀！
年年25歲嘅阿倫對住年年23嘅杜麗莎大唱〈一生中最愛〉，杜麗莎扮冧樣，惹起全場尖叫
當晚太極結他手Joey Tan（右，鄧建明）都有上台露兩手贈興。
睇得勁興奮嘅修哥，睇足全場，精力旺盛過25歲𡃁仔
「右李」李克勤當晚單拖到場捧「左麟」場，睇得非常投入。事後仲整多句：「真係寶刀未『老』！」認真抵死。
