將成霍家少奶的郭晶晶，會隨未婚夫霍啟剛（小圖）到倫敦欣賞跳水項目。
倫敦奧運周六揭幕，將成霍家少奶的跳水王后郭晶晶，亦會隨未婚夫霍啟剛及啟山到倫敦睇跳水，猶記得上屆晶晶還是北京奧運參賽運動員，霍啟剛還跟媽咪朱玲玲到場影相打氣。而晶晶與男友及仁濟前主席吳守基，亦會睇開幕儀式。
晶晶昨晚出席將軍澳舉行的時裝騷，問到婚期是否11月及待嫁心情如何，她只低頭微笑，其後她說：「過兩日會飛去倫敦睇奧運，04、08年是參加比賽，今年身份不同，會為香港和中國的運動員打氣，希望隊友比賽時不要緊張，少點壓力，保持最好狀態。」
琦琦一家睇足球名模琦琦和老公任達華，將帶7歲囡囡Ella到倫敦睇奧運，琦琦昨在電話中說：「Ella知道可以睇奧運，佢好興奮，我哋問佢鍾意睇乜嘢項目，佢揀咗最鍾意嘅足球、游水同羽毛球。」
