o靚模書展起風雲，露點被禁出口術，34D寫真前輩DaDa（陳靜）今年就隔岸觀火，升呢出書做錯字才女。
DaDa封胸宣傳新書，話請大家以後敬請轉移視線留意其電影表現。其實DaDa冇講錯，轉戰影壇大解放，在彭浩翔話題電影《低俗喜劇》拋胸爆粗扮三級女星，為得到角色不惜出動絕招「爆炸車震」慰電影監製杜汶澤，比起紙上談兵嗰班o靚模，DaDa呢啲實幹型，抵升呢囉！
DaDa話搞到喊
下月九日才正式上畫，由彭浩翔執導、杜汶澤、陳靜主演的三級片《低俗喜劇》，因為是億元彭大導繼《春嬌與志明》後又一部三級片，賣港產口味粗口連場，以及連場優先場爆滿成為城中熱話，女主角DaDa一早預言書展封胸、電影解放，果然在戲內扮演潛規則三級女星，露骨性感演出。
狂隊爆炸糖:爆炸口戰絕技女星原來真人真事改編，DaDa話落口埋牙前必隊爆炸糖，睇落輕鬆，其實場場都要隊十包八包，佢苦笑話要專人訓練呀。
賣身上位:含住滿口爆炸糖埋牙，果然令到杜監製欲仙欲死，借位拍攝都擺到咁嘅表情，阿澤絕對係演技派。
爆炸係一個技能囉！真實對白
退出寫真戰場，DaDa去到片場更搏，繼多款心口開窿cosplay造型後，原來還有車震床戲真人肉搏。
獨門口技
曾經在《喜愛夜蒲》內肉搏連場嘅DaDa自稱，今次意識比以往更大膽。
本刊獲得首批最露骨劇照，DaDa為得到演出機會，向電影監製杜汶澤在停車場主動獻身車震。此車震不同彼車震，飾演三級女星「爆炸糖」的DaDa，以個人響朵絕技自隊滿口爆炸糖後再施口技，令戲內有妻有女的杜汶澤高潮迭起。由於舒服過頭快過閃電，杜汶澤都尷尬打圓場：「我平時好耐！」
週日（22日），車震女主角DaDa出席電影分享會，向記者自爆，拍呢場口戰拍到喊：「唔係尷尬，係第一日開工，第一場戲就係呢場，又係即場收到劇本，我背唔好又拍唔好，成日NG，先至會壓力大到喊啫。」
真人真事
《低俗喜劇》內電影人衰鹹濕、女演員不自愛，DaDa都話導演彭皓翔親口話，所有故事都係圈中真人真事：「呢個圈啲潛規則同娛樂圈黑暗面都聽好多，導演講過畀我聽，我呢個用爆炸糖做絕招嘅女演員都係真人真事嚟！係個愛攀導演、攀監製，用身體去換取角色嘅女仔，咁佢係用爆炸糖呢個特別技能去吸引人。」
爆完大鑊，被記者追問DaDa即刻縮沙：「我都有問導演真人爆炸糖係邊個，佢冇講我聽，淨係話朋友嘅朋友囉。其實呢啲嘢我喺雜誌報章睇唔少，都有人講過畀我聽『某某人』都有做過呢啲嘢。但係我只相信眼睇唔相信聽番嚟嘅嘢囉，某某人係邊個，我就唔想喺度話人啦……」真人真事？特別鍾意食爆炸糖？係唔係阿邊個呢？
開始拍到喊嘅DaDa，話愈拍愈進入狀態，連彭浩翔同阿澤都讚佢上手快
DaDa仲會喺戲中扮演艷星始祖邵音音，重拍邵音音經典色情片《官人我要》。
識計數
《低俗喜劇》被評訂為三級片實情係粗口橫飛，並不是因為DaDa食爆炸糖或者娛圈潛規則。杜汶澤喺戲中扮演一名一事無成嘅電影監製，為咗威畀離婚妻女睇，結交廣西勢力人士，獲得資金拍戲，但先決條件係指定要重拍勢力人士偶像邵音音套1976年嘅《官人我要》，仲指定要邵音音露點先肯畀錢……8月9日至上畫，但係《低俗》賣港產粗口零刪剪，率先在香港國際電影節放映，又玩週末試映場，未上畫已經話題多多口碑極高，今個暑假爆硬！
分享會:週日（22日）旺角午夜優先場後，彭浩翔就帶埋阿澤、DaDa殺入戲院開分享會見記者見觀眾
國際電影節:除了4月在香港國際電視影率先播放外，上週三(18日)，阿澤再同DaDa齊齊飛去台灣，宣傳參展台灣電影節嘅新戲。
試映會
大病初癒嘅阿澤落力唱好新戲，喺facebook爆粗晒全院滿座威水相。
