昨日熱帶氣旋「韋森特」急速增強至颱風程度，由三號風球「升呢」至八號風球，至昨晚約十一時二十分天文台再發出九號風球，今晨零時四十五分再改掛十號風球。風球不停升呢，搞到市民們回家之路非常困難。
「韋森特」帶來市民交通不便外，更搞到一班準備到倫敦參加奧運的香港羽毛球、乒乓球及射箭代表隊，被迫瞓機場。據知因為颱風的關係，航班時間一再延誤，本來他們是乘搭昨晚十一時四十五分的航班赴英，但至今早七時依然未能登機出發，就見他們集體在候機位置打地鋪瞓覺。雖然成晚打地鋪係就係慘啲，但航空公司都好識做，話好讓他們在更舒適的環境下出發，特別將港代表團的經濟客位，升級至商務客位以作補償，先苦後甜，唔錯吖！
「韋森特」令航班一度延誤，不少旅客滯留在機場內，而本來坐昨晚十一時四十五分起飛到倫敦參加奧運的香港羽毛球、乒乓球及射箭代表隊，亦被迫瞓機場。
十多個運動員圍埋一齊，由天黑瞓到天光，到今早七時左右都未見他們可以登機離開。
