王喜08年為無綫到珠峰賣命拍攝特輯，雖然到頭來被無綫冷待不獲續約，但王喜未感氣餒，稍後再挑戰極限，為王維基遠赴美國拍攝追擊龍捲風重頭節目。日前王喜到油麻地選購拍攝裝備，繼續踩無綫刻薄。
王喜與吳日言（左）揀選裝備，包括頭盔風衣，追風一族有姿勢有實際。
王喜去年約滿離開無綫後密密銀，近日獲王維基旗下CTI力邀加盟，與吳日言遠赴美國拍攝一個追擊龍捲風的節目。王喜08年為無綫到珠穆朗瑪峰拍攝特備節目時，曾遇高山反應及車禍，可惜王喜如此賣命，到頭來仍被無綫冷待不獲續約。
美國經常有追蹤龍捲風的紀錄片
王喜陪住吳日言試鞋，認真一絲不苟。
細心選裝備不過，王喜未因上次意外而氣餒，本周他將再挑戰極限，冒生命危險到美國中部經常出現龍捲風的奧克拉荷馬州追擊龍捲風。
上周五，王喜與吳日言及工作人員到油麻地選購裝備，王喜揀完頭盔又揀風褸，忙個不亦樂乎。記者上前求證是否與王維基合作時，王喜說：「係，會去美國拍一個追擊龍捲風嘅特輯。」難道不擔心有生命危險？王喜說：「我唔怕死，我去珠峰高山症腦缺氧，坐救護車又碌落山，咁都死唔去。我上次咁笨嘅經驗，一毫子都冇得claim！本來都諗住去認識吓啲保險產品，點知公司（CTI）轉頭已經幫我哋買咗成1,000萬保險，真係好細心。」
王喜透露會隨專家出發，專家團隊有人造衛星氣象圖追蹤龍捲風。王喜說：「今次係訓練膽量，龍捲風分6級，去到4級已經好危險，原本公司叫我遠離龍捲風拍攝，但我王喜出名鍾意改嘢，我決定穿越龍捲風。今次會係香港有史以來冒最大險嘅攝製隊。」王喜揚言屆時會親自駕駛。問酬勞是否可觀時，王喜笑說：「我幾好，唔知佢（吳日言）好唔好。」
