劉家豪在無綫最後一套監製的劇集《護花危情》，本來不被看好，結果收視喜出望外，《護》劇演員鍾嘉欣和樂瞳等昨日在將軍澳電視廣播城公佈最新收視，首日平均收視30點（約192萬觀眾），前日更錄得最高33點收視（約211萬觀眾）收看。
鍾嘉欣（左）攬住露背的樂瞳，齊齊慶祝新劇收視有好成績。
撐Chok峯鍾嘉欣表示超級開心，她說：「套劇出街後，有好多人特登聽番我首歌，又翻唱我首歌改歌詞，好多人留意，所以好開心，仲要收視咁好。」
不過，《護》劇經常提及Chok峯，令黃宗澤（Bosco）的粉絲不滿無綫借意為林峯宣傳，鍾嘉欣說：「阿峯呢期sharp，大家都係自己人，都係一個噱頭啫。」樂瞳就認為Bosco不會介意，她說：「同埋阿峯都減咗chok啦，家幾好幾親民。」
