黃日華個寶貝女黃芷晴今年啱啱大學畢業，之前有風吹話佢已經簽約王維基嘅城電，嚟緊會有幾套劇開，上星期佢出席手袋品牌Samantha Thavasa沙田分店活動嗰陣，就同FBI講已傾得七七八八，「一切交畀父母安排啦，但知道成數都幾高。」芷晴仲話自己想做歌手，不過佢老豆嫌佢老牛咁聲，「佢話我把聲太沉，叫我不如去學唱歌，改善把聲。」！
芷晴（左）話想拍劇亦想做model，不過佢就堅持唔會好似啲模咁一味靠賣肉。呢日佢都着得好鬼保守，性感留番畀整容韓模蔡恩真啦！
另一嘉賓諸葛紫岐失蹤咗差唔多一個月，原來佢同老爺奶奶、仲有老公薛嘉麟去咗美國三藩市同拉斯維加斯玩。呢日見佢條裙腰位脹卜卜，唔通有咗？不過諸葛話：「唔好成日追問，有好消息會通知大家。」
