上個禮拜尾，媽咪姐喺朋友口中得知Yumiko（鄭希怡）喺布吉出咗事，由三樓墮樓受傷，真係可大可小！
Yumiko昏迷2日後蘇醒，頸部仍需要頸箍承托。難得佢仲識苦中作樂，同應采兒笑住影相。
媽咪姐第一時間周圍收風，有二五爆料，話佢當時同壽星女應采兒慶祝緊生日，一向唔多飲得嘅佢，竟同時將5、6種酒溝埋嚟飲，仲同人喺三樓高台影相。當時有friend見佢咁牙煙，已經叫佢企番埋嚟。點知話口未完，Yumiko跣腳向後跌落一樓，仲俾一樓嘅樹枝插穿肺，當場昏迷送院，兩日後才蘇醒！
其實Yumiko入行以嚟都算多災多難，試過甩bra甩褲，今次仲差啲冇命。媽咪姐希望佢今次大難不死，必有後福啦！
Yumiko同應采兒、陳小春稔熟，早前一齊曬太陽做千手觀音。
壽星女應采兒喺微博解釋Yumiko受傷原委，同時發布老友最新消息。各位粉絲唔使擔心，Yumiko依家情況穩定。
