[型男] 碧咸18年髮型變化

大衛碧咸（英文：David Robert Joseph Beckham，「Beckham」個「h」唔發音，1975年5月2號—）係英格蘭足球員，打中場，而家效力緊美國職業足球大聯盟球隊洛杉磯銀河。

碧咸以前出身英超前列球隊曼聯，一出道就畀人封為「萬人迷」。1999年佢跟隨曼聯贏得歐洲聯賽冠軍盃。2003年佢跳槽加盟西甲球隊皇家馬德里，同朗拿度、施丹等猛人一齊，但隨住年紀越嚟越大，為咗日後前途，佢決定響2007年走到美國，加盟洛杉磯銀河。2009年同埋2010年，碧咸曾經兩次畀人借咗去AC米蘭半季，但喺2010年嗰次，佢踢踢吓波左腳跟腱撕裂，搞到要抖幾個月，去到嗰年9月至喺洛杉磯銀河復出。

佢嘅技術一直都得到正面評價，佢嘅外形同腳法都係屬於世界級。因為英格蘭國家隊成日都係英國小報嘅對象，碧咸響國家隊不嬲都係焦點人物。1998年FIFA世界盃佢因為畀對手挑釁變成衝突而被紅牌出場，令到英格蘭輸波。2002年FIFA世界盃臨開始之前佢受咗傷，最尾都係成功出賽。2006年FIFA世界盃佢響十六強攞到全場唯一入球入八強，但係響八強英格蘭射失十二碼，只能夠眼白白睇住英格蘭輸波。因為左腳跟腱裂咗，碧咸冇得以球員身份參加2010年FIFA世界盃決賽周，不過佢重係做咗英格蘭國家隊教練組成員征戰南非。