[資訊分享] 旅行的禁忌

大家出門旅行,十居其九都係住酒店,所以要特別留意下面關於酒店要注意嘅地方.

1.大家出門住酒店,只係過客,所以最好禮貌上,入到酒店房,講比"他們"聽,自己只係暫住幾日,請"他們"諒解,所謂禮多人/"他們"不怪嗎.

2.師傅話酒店房間一眼見晒,無乜地方喱埋,只有衣櫃,如果真係必須要"他們"十居其九都係喱埋係衣櫃入面.所以無乜必要都係唔好用衣櫃.仲要緊記經常關好衣櫃門

3.如果真係必須要用衣櫃,就一定要say sorry先好用.

4.當然未必間間房都有"他們"寄居,你唔知但酒店D職員一定知(新人唔計),不過你肯比錢佢,佢都未必肯講事實你聽(費事唱衰咗酒店比人炒),但係可以用以下兩個方法去檢查:

5.第一個方法:一D有規模嘅酒店房間,好多時都會係屜筒放本聖經,可蘭經或者佛經,不過喱D經書正常係應該合埋放好.如何你入到房,見到本經書打開咗,即係話你聽間房多數有嘢(只有好細機會係執房D人唔記得合埋放好,或者比風吹開)

6.一般酒店都只會擺一本經書係房間,極其量都係得兩本(聖經同可蘭經).如果你入到房,見到兩本或以上嘅經書,仲要本本都係打開咗,無嘢講,即刻叫酒店換房甚至退房,否則後果自負.

7.第二個方法:係房門外放一舊老薑,如果第二朝舊薑變咗紫色,即係話間房有嘢(至於第一晚點算,師傅都無教,自己攬掂)

8.如果張酒店床係對正塊鏡,最好搵D嘢(通常用舖床張床單)遮住佢,如果唔遮就有關機會半夜係鏡入面見到"他們".

9.講開鏡(唔關"他們"事),記得每次去到酒店都要檢查吓D鏡,將手指甲放貼鏡面,正常手指甲同鏡入面個例影中間會有小小虛位,但如果指甲同個倒影中間無虛位,果塊鏡一定係單透鏡(即係人睇到你,你睇唔到人),小心比人偷拍

10.鞋唔可以放係床邊,因為"他們"會利用對鞋做踏腳石,走上張床攪你.如果要擺,都要將對鞋亂擺(例如相返方向,或者返轉,鞋底向上),因為"他們"只可以踏上一對擺放整齊嘅鞋,單丁一隻都上唔到(所以你都可以只放一隻鞋係床邊,不過自己唔方便),

11.出街時記得打開窗簾,比D陽光晒吓間房,陽氣盛D

12.所謂"入屋要叫人,入廟要拜神",不過小心唔係間間廟都係比我地(正常人)拜嫁.係一D佛教國家(尤其係泰國),佢地D廟係分咗"陽廟"同"陰廟","陽廟"無問題,"陰廟"就一定唔可以除便入去.不過詳細我都唔係好知點分,希望有師兄可以指教

最後奉勸各位一句,所謂"入鄉隨俗",每個民族都有自己嘅禁忌,講都講唔到禁多,總之去到人地嘅地方,人生路不熟,萬事自己小心D啦!