[資訊分享] 日常生活13禁忌

以下嘅禁忌就無分日頭定夜晚啦,幾時都要小心記住!

1.一定唔可以係街上亂執雨遮,「他們」好多時會利用雨遮做」棲身之所」,因為係你親自」護送」佢返屋企,所以門口安咗」土地」都無用.

2.正因為「他們」會利用雨遮做」棲身之所」,所以會有機會無意中「他們」跟隨你自己把雨遮返屋企,所以唔好係室內開遮,開遮就會放咗「他們」出嚟.

3.得閒就把開窗簾比陽光曬嚇間屋,增加陽氣,人都健康D

4.唔好以為日光日白唔會見到「他們」,如果係D陰暗角落或者樹蔭底下都會有機會,當然會比夜晚機會低好多啦,不過如果係落緊大雨,天色好黑,機會又會大D.

5.日光日白見到嘅「他們」,會好似睇住一張退咗色嘅相,顏色比正常淡.記住見到都要當見唔到,話曬大家存在係唔同嘅世界,「他們」都唔想比你見到

6.無乜必要唔好走入芭蕉\香蕉林(我都唔知兩蕉有乜分別)入面,師傅話蕉林係勁邪嘅地方,好多時會有」他們」附生.

7.如果你唔好彩,喺蕉林入面受咗傷,流咗啲血,仲要揩咗啲血去蕉樹度(少少都會出事),你最好搵定師傅幫你驅邪,因為」他們」九成九會利用你啲血做媒介,轉移附生去你度,直到師傅幫你收服咗佢,或者你都變成」他們」嘅一份子(即係Bye-Bye).

8.入到一間」吉屋」,有以下四個方法檢查有無」原居民」(即」他們」)喺度,不過我唔建議用第一同第二個方法.

9.方法一,帶一個小朋友(通常六歲以下)一齊入屋,如果個小朋友大喊,就有機會有」他們」存在,不過唔建議用,因為會嚇親小朋友,又或者小朋友喊係因為其他原因,例如肚餓…等

10.方法二,帶一個大肚婆一齊入屋,如果大肚婆感覺到自己同個BB都突然唔舒服,就九成九有嘢.不過唔建議用,因為如果如果大肚婆同BB有乜問題,我問你個良心點過意得去,因住折褔呀.

11.方法三,喺間」吉屋」大廳嘅四個角,放四杯水(記得柵窗),第二朝反去睇嚇,如果舖咗都幾多塵嘅話,就表示有嘢,除非比人整蠱.

12.方法四,一入到間屋,感覺涼涼地,好似開咗冷氣,就可能有嘢.不過記得睇嚇係唔係真係開咗冷氣,或者只係冬天唔記得柵窗(唔好係唔係都疑神疑鬼).

13.仲有,唔好以為有人住緊嘅屋就一定無」原居民」,有可能」他們」一路同屋主相安無事,無現過身,連屋主都唔知」他們」嘅存在.如果屋主新搬入去先至裝」土地」,因為」土地」只可以幫你守門口,之前已經存在喺屋入面嘅佢就幫你唔到,喱個時候,可以安祖先神位,或者請觀音,關二哥等返屋企,但此舉等於向」他們」宣戰,是吉是凶無人知.