大美人李嘉欣三個月前喜獲麟兒，她有子萬事足，昨日產後首度現身化妝品活動，拋胸示人，大晒弗爆身材。嘉欣直認兒子Jayden Max（小JM）出世後，地位立即超越父親，夫婿許晉亨急跌第二位。她又表示曾生腎石，產後做了兩次手術治療。
李嘉欣自今年2月產子後，昨日產後首度出席化妝品牌Shiseido Revital活動。她穿上低胸長裙現身九龍麗嘉酒店，火速收身，身形跟產前無異。嘉欣自爆囝囝Jayden Max出世後，兒子在她的心目中的地位火速超越丈夫許晉亨。
產後弗爆的嘉欣說：「差幾磅，醫生唔建議我餵人奶，補充咗鈣質令我生腎石，陀住8個月時放咗條管入身體，生完後做咗兩次手術，分別係拎番條管出嚟同用光打碎啲石，家冇事。」
嘉欣下月19日在灣仔君悅酒店為小JM舉行百日宴，她呼籲親友把人情捐入為小JM成立的慈善基金，爺爺嫲嫲可有捐款為基金墊底？她說：「有嘅，但銀碼唔需要特別講。」
提到下月首度慶祝母親節，嘉欣說：「冇乜太大感覺，會陪媽咪食飯。」為許家生下慈姑椗，許晉亨可有獎勵？她說：「生仔唔係講呢啲，成日都有好多唔同禮物，Jayden係我哋嘅禮物。」可會再不設防造人？她說：「唔係我一個決定，冇刻意計劃，有一個BB都好滿足。」
對於早前在微博留言指嫲嫲投訴小JM睡得太多，暗示嫲孫見面不多，嘉欣否認說：「佢哋成日見，有時我帶過去探嫲嫲，有時嫲嫲過嚟探，其實我指嘅唔係嫲嫲，大家誤會咗。」嘉欣透露與奶奶關係良好，平日也會互相送禮。
雖然要照顧囝囝，但嘉欣仍會兼顧工作，她表示與家人分工合作湊BB。問嘉欣可覺老公為人父後有不同？她說：「佢會緊張個仔，始終多個小生命，會諗多咗將來嘅嘢，有唔同話題。」那自己在老公心中的地位會否由一號變二號？她說：「唔知，我估喺老公心目中都有相當地位，但囝囝喺我心目中就升咗級。」她又謂就算許晉亨痛錫兒子，她也不會呷醋，嘉欣說：「緊張個仔多啲係應該。」
from:
http://hk.apple.nextmedia ... art_id=15208483
