陳慧琳（Kelly）個多月前經歷小產，腹中孖女不保，經過閉關休息，火速康服，她日前還帶了1歲多的兒子劉昇（蝦餃仔）到沙灘玩，剪了冬菇頭的他坐在沙地上玩到拍掌，笑得合不攏嘴，Kelly有夫兒力撐，身心已痊癒，還準備後日出席剪綵活動。
陳慧琳今年3月經歷女人最痛，保不住去年人工受孕的孖女，陀了五個多月後小產，Kelly傷心送別孖女，由醫院返回家中閉關靜養，她慶幸這段時間有老公Alex和寶貝仔劉昇相陪，令Kelly身心漸漸康服，她後日便會自小產後首度出席公開活動，為金至尊在尖沙嘴的旗艦店任剪綵嘉賓。Kelly日前趁着天清氣朗，首次帶蝦餃仔到沙灘嬉戲，兩母子共享天倫。
今年7月蝦餃仔便兩歲，他遺傳了雙親優良基因，長得精靈可愛，潮媽Kelly更把囝囝打扮成潮B，日前為他換上Polo童裝去街街，一身格仔長袖恤衫的蝦餃仔十分醒目，但最搶鏡莫過於一頭濃密冬菇髮型，據知他的御用髮型師就是母親Kelly。
兩母子當天在沙灘玩了一個下午，蝦餃仔赤腳在沙灘跑來跑去，心情興奮，架着太陽鏡的Kelly也蹲下陪玩，逗得蝦餃仔笑到見牙唔見眼，兒子的笑臉更是Kelly兒時的倒模。
Kelly看着蝦餃仔嬉戲也笑得開懷，看來已完全走出小產陰霾，但為免沙灘大風，當日也穿上厚褸保暖，她昨午更把兩母子沙灘樂的照片上載網誌與fans分享，Kelly還留言：「呢個幾月嚟收到好多慰問，我想喺呢度多謝每一位親戚朋友、歌迷、傳媒、同埋所有關心我嘅人為我帶嚟嘅祝福。大家對我嘅關心，我收到晒喇！呢排身體已經好咗好多，大家唔使擔心！」
表情多夠趣怪
講到蝦餃仔時，Kelly說：「最近劉昇大個咗好多呀！越嚟越多表情，古靈精怪，你哋話係咪呢？」Kelly又預告日內便投入工作，她昨日透過助手Leo在電話回應：「Kelly身體情況好番好多，佢慢慢都會投入番簡單嘅工作，佢周五要出席剪綵，家仲搵緊靚衫。Kelly休息期間，多咗時間陪蝦餃仔，所以蝦餃仔特別開心，嗰日仲係第一次帶蝦餃仔去沙灘玩。」
from:
http://hk.apple.nextmedia ... art_id=15202527
