林峯跟影壇新人陳嘉桓和「翻版徐子淇」鍾浠文（Zelia）都傳過緋聞，有指他假公濟私請靚女做拍檔。陳嘉桓昨在尖沙嘴談到二人拍MV傳緋聞，她說：「梗係唔係，我哋只係拍MV，之後冇聯絡。」可會看到床照而傷心，她說：「嗰個又唔係我，佢私人事，我唔應該批評，問番佢本人啦。」
Zelia曾在林峯個唱跳辣舞，她昨在電話否認緋聞：「我同佢緋聞唔係真，job係公司接，完騷都冇聯絡。」問可覺甩難？她說：「拍拖都好正常，我相信佢唔希望私人嘢俾人睇到，係真嘅我會祝福佢。」
曾與林峯合演《翡翠明珠》的蔡卓妍（阿Sa）昨晚在電視城錄影，她表示拍戲時不覺林峯和潘霜霜撻着，可覺女方出賣林峯，阿Sa說：「梗係啦，呢啲人居心叵測，（林峯）遇人不淑。」又暗寸潘霜霜樣貌變，她說：「唔知光線定化妝。」她指不擔心自己睡照流出，她說：「我相信愛過嘅男人都心地好，唔會出賣我。」此外，楊千嬅昨被問到可覺林峯是媾女王，她說：「冇喎，次次見佢都來去匆匆，趕住拍戲拍劇。」但不清楚林峯是否有拍拖。
from:
http://hk.apple.nextmedia.com/te ...462&art_id=15082921
