本人現在廿多歲，事情已經係十年之前。事源係一次行山之旅，路徑係鳳凰山徑。
我記得我一行有１３人，年齡我都不太清楚，就係一班年青人有男有女，當中有兩個較大年紀，一個看似三四十歲，另一個一眼望埋去你都唔知叫呀伯定呀叔有ｄ白頭髮咁，只是有朋友叫我去行山我就去了，一班人中我只認識我朋友，其他都係第一次見面。當日行程就由大澳出發，由昂平鳳凰山徑做起點，到百公較做終點，本應計劃係由中午至黃昏，所以都沒有帶很多裝備，但中途有些阻滯所以未能係原定時間結束旅程。
當日天氣陰天，我們一行人去到鳳凰山徑路口前，聽兩位領隊講解細節同內容，由於前一晚落過雨的關係，所以比較危險，聽完講解後便出發去，隊形就由三四十歲做領頭之後＞一位男仔＞我朋友＞我即係我排第４，其餘的跟住排，果位叔伯當然最後啦，其實我後面係女仔黎，但因為地下太濕，所以行得好慢，一行都冇事仲成班人有講有笑，有個嬲仔仲講佢去大陸時跌落屎坑ｄ搞笑野，行左大約２小時，隊後有個女仔差錯腳受傷，好彩冇咩大礙，仲可以自己行到，不過成隊人又慢左，但奇怪就係行左成２小時都見唔到其他人，鳳凰山徑都係香港熱門路徑丫。到下午３點，頭領話休息，咁我地就係原地繼續吹水，但係我地都見到頭領同叔伯係到密密斟，神情或多或少睇落去都有ｄ唔舒服，係我地疑惑ｇｅ時候，天開始下毛毛雨，其實真係好細，大家都不以為意，只是加件風褸就了事。
當頭領話繼行ｇｅ時侯，有個男仔佢可能揹左個屋企出黎，個背包好似山咁大，上膊都要人幫，就係呢個時侯，兩個企果舊石連埋ｄ泥一齊滑左落山，跌左落山比ｄ樹遮住左，不過兩個都冇生命危險，可以同我地講到野話係樹枝到卡住，跟個個叔伯唔知係邊到變條攀石繩出黎，一，二，三，一齊分別將兩個人拉返上黎，幫人果個左腳爆哂流好多蚊飯，反而個大背包冇咩事，只屈到手腕，咁包紮後又冇事又ｋｅｅｐ ｇｏｉｎｇ，但係成班人好唔明顯係士氣低落左，有部份人開始有ｄ不耐煩ｇｅ行為，用枝杖打草，掟石頭，講埋ｄ唔好聽說話（鬼咁黑，早知唔黎呢ｄ鬼地方又大叫唉．．．．．），我地前４個一於少理係咁行，當時已經６點喇，太陽落緊山，之後頭領同叔伯又斟，我地成班人１３人得，得３個人有電筒，大家都知邊兩個有啦！第３個就係我後個女仔（佢都幾醒＾＾），之後頭領話時間唔夠，帶我地行條小路落山先，係山腳行返出去，又冇地圖，果時又唔興ｉＰｈｏｎｅ ｇｏｏｇｌｅ ｍａｐ，又冇燈，又開始凍，個肥仔仲叫肚餓．．．．．．
咁就行喇，開始離開條主徑，主徑有地標可以知係邊，行行下已經不黑，周圍ｄ草開高，我就不停跟前面燈行，都冇理後面，之後頭領話前有個Ｖ叫大家小心ｄ其實條路係咁架：
「水平一條直路不過ｄ草同人差唔多高，突然斜向下一段仔，再ｖ返上去，就好似數學開方根符號咁不過左右週轉。」
我一聽到企左係到，前面做咩有個ｖ，唔通行完ｖ ｄａｙ慶祝手勢，但如果行完又冇理由要特別小心，就係咁企一企，比前面３個扔下，後面又未到，個情況就係我孤立左，咁向後大聲講：「前面有ｖ小心ｄ，個女仔又應ｗｏ！ｏｋ！得喇，你繼續行啦」但係「你繼續行啦」呢個幾個字係變左聲，我都有ｄ奇怪，但係冇理，嗱嗱聲追返前面先。
咁人行過ｄ草會分得到係訓低左唔係企直，咁我就跟住行，行到傳說中個Ｖ，我聽前有草聲係漸近，咁你都會覺得係前面有良心又人返轉頭啦！跟住我用手分開ｄ草就見到個人，長頭髮向山下望，個動作同我一模一樣，只係相反左位，我就望右佢就望左，但係呢個人係我未見過ｇｅ，肯定唔係我地１３人當中，因為條路好窄只客一人行，咁我就ｓｏｒｒｙ盡避開比佢過先都有一步多距離，當時我只諗追返前面完全冇至其他野，但佢又行後一步讓我ｗｏ，我咁就ｔｈｘ向前行，隨佢張臉由則轉到前，即係我地係face to face，我見到ｇｅ係．．．．．．．．．咩都見唔到，佢仲講左句：「謝謝！」直接向我行埋黎，我都黎唔似避佢就行過左，跟住我想拎轉身望，我轉完身望到佢果時佢就撲埋黎，之後我就陏唔到，想行又唔得，又叫又唔得，只聽到風吹草聲，我諗都有３至４分鐘咁ｇｅ狀況，之後就見到有燈光，聽到有人聲同見到又人影，但係就好細聲好似掩住耳仔咁樣，睇ｄ野又好模糊，好似岩岩訓醒咁，就感到有人拍左我左邊一下就眼前一黑，之後ｇｅ野我就唔記得．．．．．
到醒返，係醫院聽我個朋友講返話，佢３個係前面發現唔見左我，返轉頭搵，見到我企係到，叫兩聲都唔應，就伸手拍我，我就訓左落地，後而ｄ人聽到出事趕到見到我訓係到，兩隻向上好似搵緊野咁又屈唔到硬哂，對眼又灰色好似白內障ｄ人對眼咁有層野前蒐眼到，個頭又chok下chok下，跟住個叔伯係背包拎３枝香，唔知嘰喱咕嚕咁，又唔比人睇叫哂ｄ人拎住面個頭頷又係前面擋住，之後就送入醫院。
故事完喇！
不過係到同大家講下次去行山記得要有準備好行山應有ｇｅ野，同埋要有計劃，如果唔係好危險！
