百果園E神陳靜去年被拍到與上巿公司主席梁毅文在私人會所撐枱腳，兩人緋聞隨即爆出，不過梁毅文的兩名愛將昨日在公司活動上，力數梁毅文出席飯局被影到是有人放料，言語間暗示放料人是陳靜。
陳靜去年憑34E倒奶上位，推出噴血寫真和月曆，最近更忽然富貴買下一個價值400萬的住宅單位，同時身邊也不乏富豪朋友，她早前還被拍到與現年52歲、兩間上巿公司中盈國金資源和創業板中國金屬資源的主席梁毅文，在陽明山莊的私人會所吃日本菜，男方兩間公司巿值高達50億。中盈國金昨日在灣仔舉行活動，梁毅文旗下愛將代主席出頭，力數飯局行蹤曝光是有人放料，矛頭直指陳靜。
梁毅文昨日雖沒出席公司活動，但該公司的業務發展董事史冠倫卻代公司主席澄清緋聞說：「主席中咗佈局，食飯地方咁隱蔽，冇可能俾人知道，一定係女方嗰邊爆料，經過嗰次，冇再同佢（指陳靜）食，我哋仲成日用呢件事笑主席。」中盈國金的CEO宋建文也說：「主席成50幾歲人，未拍過拖，家仲單身，佢有好多閒餘時間。」
對於被指放料，陳靜經理人施念慈昨日在電話訪問回應：「唔知道對方係咪指名道姓，不過DaDa（指陳靜）為咗件事都唔開心咗一排，我都相信佢唔會咁做（指放料），又唔係乜嘢風光嘅事。」施念慈又透露飯局當時有一班朋友同場。
此外，陳靜日前往黃大仙祈福求姻緣，她說：「我想拍拖，但有人追都寧缺勿濫，我想搵個遷就到時間同思想配合嘅人。」
from:
http://hk.apple.nextmedia ... art_id=14949202
