日籍演員葉山豪外形俊、身形弗，更說得一口流利廣東話，具備竄紅條件，但娛樂圈講時也命也，他打滾10年還是原地踏步，為博起死回生，去年他接拍情慾片《3D肉蒲團之極樂寶鑑》，露股兼肉搏過百裸女，還床戰36F雷凱欣，幕幕噴血，但他卻有苦自己知，不僅拍攝時尷尬，還嘆精力虛耗，拍完戲後馬上狂吞有催情功效的生蠔補身，但直率說不敢多吃：「食得太多又冇得做，咁點算喎。」
演藝圈有個奇怪現象，不論男女，似乎一脫便有機會鹹魚翻生，36F雷凱欣接拍全球首部3D情慾電影《3D肉蒲團之極樂寶鑑》後，巨乳效應帶旺她的事業，連隨露股登大銀幕的男主角、日籍演員葉山豪都人氣反彈。
在影圈打滾10年的葉山豪，去年突破接演《3D肉蒲團》，他在戲中先後床戰雷凱欣、日本AV女優原紗央莉和周防雪子等火辣裸女，男女激烈肉搏。導演為增加性趣，不但安排葉山豪替雷凱欣啜腳、摸胸，還要遭群雌圍摷肉擒，難怪葉山豪自誇：「我好似世界之王。」不過艷福背後，葉山豪卻擔心對得裸女太多會出現性無能和腎虧後遺症。
拍罷《3D肉蒲團》後，葉山豪的精力嚴重透支，他日前馬上勤練泰拳操弗狀態，還大啖有壯陽功效的生蠔，實行雙管齊下。
記得《3D肉蒲團》首日開工，葉山豪便要露股晒月光，埋身肉搏E cup豪乳同鄉原紗央莉，說得一口流利廣東話的葉山豪接受訪問時說：「嗰日一嚟就拍我同原紗央莉搞嘢，佢神情輕鬆，我反而好緊張，咁大個仔未試過要用個屎忽對住工作人員，好尷尬，我未試過俾男人望嗰度，真係好唔習慣。原紗好專業，劇情需要，佢仲叫我任揸佢個胸，我隻手都冇乜嘢感覺，因為我不斷提住自己係拍戲。」
講到以一敵百裸女的壯觀床戲，葉山豪即抵死說：「我當佢哋都係公仔，雖然除晒衫，但我心理受到影響，真係冇感覺，生理反應更加唔能夠有。」為了遏止自然生理反應，葉山豪埋位前要在下體做手腳，他說：「我要用強力膠紙貼住嗰度（陽具），一貼就10到15個鐘以上，去阻止佢郁動，所以一埋位拍戲我盡量唔飲水，怕要搣膠紙去廁所，整整兩個禮拜咁，真係好辛苦。」禁慾忍尿的非人生活，差點令葉山豪腎虧，工作人員遂在膠紙上做點手腳，讓他可以去小解，他說：「佢哋幫我喺中間剪個窿。」
當男觀眾都羨慕葉山豪有美女伴拍床戲，他卻直言壓力重重：「好有壓力，拍呢啲戲最緊要姿勢靚，我最擔心拍出嚟冇美感，導演要求太多，好多姿勢要就位，拍戲同真做唔一樣，真做唔使care咁多嘢，爽就得。」當然戲假不及情真，葉山豪最享受還是與太太魚水之歡，愛妻情切的他直率說：「同太太做，真係有愛喺當中，感覺好唔同o架！」無可否認，片場的裸女令葉山豪大飽眼福，他卻得戚說：「啲人見得少咪有興趣，當見得多就冇乜嘢o架喇！」
為快速補充拍戲被群女吸乾的精力，葉山豪又狂吞生蠔進補，他說：「食得太多會唔會勁得滯，我平日唔會特別食嚟進補，正常就夠。食得太多又冇得做，咁點算喎。」
Profile
姓名：葉山豪（真名小室博義）
祖籍：日本京都
年齡：35歲
婚姻狀況：已婚，並育有1子1女
入行經過：99年離開日本到台灣旅行，被星探發掘成為廣告模特兒，01年來香港闖娛樂圈，曾參演《不死情謎》、《下一站…天后》和《新警察故事》等，近日參演全球首部3D情慾片《3D肉蒲團之極樂寶鑑》，人氣飆升。
from:
http://hk.apple.nextmedia ... art_id=14895194
