曾志偉昨日率領大班演員到彩虹邨，拍攝宣傳節目《我愛HK過新年》。大會安排200多人出席，齊齊開大食會。有份拍攝的呂慧儀被問到可有留意雜誌的淫媒飯局報道時，她回應說：「有冇寫我呀？我冇留意喎，平時冇來電顯示號碼我都唔會接，都冇人聯絡過我，可能我太粗魯。都唔想知身價喇，有價冇市都冇用啦，我知自己冇市，所以有價都冇用。」
早前志偉辭任《勁歌》總選司儀，他昨解釋說：「其實係因為之前爸爸老人病情況唔穩定，佢都94歲喇，天氣又凍，佢氣管差就影響血壓。佢家穩定番，我就返嚟宣傳囉。家寶儀同個仔陪住，每日通三次電話了解情況。」
談到去年有傳《72家租客》部份演員只得「無言感激」四字作片酬，志偉笑說：「今年佢哋無言感激我啦，畀足有餘，TVB同事應該會比舊年開心。」
對於飯局一事，楊秀惠則說：「有睇到報道，不過冇人搵過我，可能我唔係港姐啦，我仲寸啲同事話佢哋就好啦，有飯食，但係自己就唔恨，因為平時啲飯已經好好食。」身為「藍嫂」的李亞男雖未有為《我愛HK》客串，不過仍到場支持，她說：「平時都有煮嘢畀祖藍食，佢好鍾意食麪，對我嚟講好簡單啫，佢都會煮番中式嘢畀我食o架。」
from:
http://hk.apple.nextmedia ... art_id=14873849
