電視熱播劇《女人俱樂部》，由兩代靚女飛，當年紅極一時的一眾大美人，雖然今時今日都已經成為一代中女，不過全憑演技搭夠，收視口碑都算十分唔錯。
早前《女》劇搞宣傳活動，劇中兩代女主角齊齊出動搶客當然少不免，唔少家庭觀眾都專登走趁熱鬧，而長腳蟹呂慧儀亦有出席活動。
當日自然有唔少觀眾人群，其實好姨見到都替長腳蟹擔心，事關人迫人，真係好難講，一個唔小心撞親長腳蟹，嚇親個BB就唔係幾好喇。雖然長腳蟹當日都已經好乖，著住平底鞋，冇有怕，而且群眾都好斯文，見到粗身大細長腳蟹都只係乖乖咁離遠影相，最多都係一個個行埋去自拍，好姨睇落就覺得幾安全喇。
點知有晒裝備都唔夠，長腳蟹個廿四孝老公（黃文迪）為更加心安，堅決要陪埋老婆出席活動，實行以人釘人、昅到實來確保老婆安全。
現時懷孕接近5個月長腳蟹，眼見老公咁貼心，都即刻成個晒。
