宣萱、賈曉晨（JJ）、馬德鐘、苟芸慧（苟姑娘）和梁烈唯等昨日為無綫新劇《飛虎》試造型，扮演飛虎隊的演員坐裝甲車出場。JJ穿上短褲，拿起手槍有型有格。
梁烈唯劇中跟苟姑娘有感情線，他笑說：「好多謝監製畀機會我，苟姑娘一入行我已經覺得佢好正，我諗同佢起碼都有輕吻啩。」問梁烈唯會否追求她？他笑說：「拍拍吓撻着呢啲冇人知嘛，如果係到時再同大家講。」見梁烈唯左眼紅腫，他解釋拍《女拳》時被木屑飛入眼致發炎。
此外，JJ和鍾嘉欣昨日為劇集《抉宅男女》拍攝落雨戲份，鍾嘉欣穿了四件衫打底，反而JJ未有任何措施，JJ說：「我冇打底冇包膠紙，諗住拍嗰陣先着打底衫。」
from:
http://hk.apple.nextmedia ... art_id=14839778
