早年來港發展的日籍女模木村乃去年推出日文自傳《Party Girl》，在書內大爆與兩名樂壇才子有一手，更試過玩4P脫衣舞，矛頭直指側田和曹格。昨晚側田即力斥木村乃可悲兼無恥，強調兩人沒發展任何關係。
現年34歲的側田和29歲的曹格同屬唱得之人，去年這對好兄弟在中環上演一幕醉酒隻揪，最近兩人又齊捲入桃色新聞。昨日有報道指早年憑33B上圍空降香港發展的日籍女模木村乃，去年在日本推出日文自傳《Party Girl》，在書中她自爆性史，並隱名自揭先後與兩名才子男歌手有性關係，大爆三人相識第一晚就在酒店房與另一女子玩4P脫衣舞，雖然沒指名道姓，但從文中細節，矛頭直指側田和曹格。
木村乃更大數疑似側田冧女招數低莊，以為利用除帽展示真面目就可誘木村乃除衫，反而疑似曹格就很疏爽，但缺點是醉後失理智，更試過虐打她，捉着她的頭猛舂，演變成兩人互毆。
捲入桃色新聞的側田昨晚到將軍澳擔任《勁歌金曲》嘉賓，他有備而來見記者，劈頭第一句就說：「今次已經唔係第一次俾人利用，我可以用無恥、可悲嚟形容呢個日本女仔……木村乃，我係3年前經朋友嘅朋友識佢，只見過兩次面，同佢冇關係。」他否認曾與木村乃拍拖和跳脫衣舞，他說：「唔好講笑啦，唔好儍，好荒謬嘅事，啲人成日搵啲假人做朋友。」
側田強調現已修心養性，戒了夜蒲兩年，平日愛留在家中煮飯仔，更笑言與街市店主還稔熟。他坦言為今次事件不開心，相信韓籍女友也一樣，他更立誓說：「我34歲嘞，我已經玩完……玩夠先真，自己都想組織家庭，今次最對唔住屋企人同fans，怕會令佢哋失望，今次已經係第四次俾人擺上枱宣傳，總之唔關我事。」未知側田是否太激氣，故他唱《好人》一曲時甩嘴而要求重唱。
至於事件另一嫌疑男主角曹格昨就透過經理人回應說：「對於這些不真實的報道不回應，不想被人利用炒作宣傳。」
from:
http://hk.apple.nextmedia ... art_id=14746534
