雨僑(羽翹)鼻挺眼大施變臉神技

整容藝人越嚟越多，真面目嘅人越嚟越少。雨僑(羽翹)當初加入蕭定一公司時冇即刻好似Freeze咁走去整容，佢上年仲喺網誌度話要整容就出道前去整，因為出道後有太多相俾人photo hunt，太遲，而且佢要整都會隆胸先，但雨僑(羽翹)前晚喺灣仔出席雜誌活動，成個樣明顯唔同，面部飽滿咗不特止，雙眼深大有神，鼻樑又削咗堅挺咗，睇嚟冇以前咁粗大，有冇變靚見仁見智，但一定唔同咗。佢話自己忙緊籌備新細碟，嚟緊會開音樂會，到時好想表演鋼琴以外嘅樂器，佢話：「我想試吓玩豎琴，我本身唔識嘅，希望學得識。」