去年一班o靚模推出性感寫真炒熱書展後，今年波濤更見洶湧，新舊「肉」女爭崩頭在書展出書。出道時以性感作招徠的Freeze成員陳樂榣及雨僑(羽翹)，卻反高潮各自推出寵物書和美容書，但她們信心十足，認為自己的作品有睇頭又實用，陳樂榣親手畫漫畫，圖文並茂教人養貓，雨僑(羽翹)則做白老鼠親身示範講解美容心得。
自言性格像貓的陳樂榣，表示入行以來賣弄性感並非所願，她的目標其實是從事藝術工作，她說：「初入行係難行啲，都覺得有時係幾激，性感唔係我想，但年年爆騷。但我其實想多方面發展，希望做才女。家我都有教人畫畫，公司亦好配合我，當然Freeze有工作我都會一齊做。」
至於平日愛在YouTube分享美容心得的雨僑(羽翹)，坦言十分貪靚，她說：「我大學時讀生物科，好鍾意研究護膚品成份，我做咗白老鼠好多年，試過自己調配美白精華素，但太心急搞到落多咗成份，用完即刻全塊面敏感甩皮，家掌握好咗，但我都係鍾意買現成品，因為方便得多。」
除教授美容心得的書外，雨僑(羽翹)還會推出一本靚相集，她說：「美容書可以吸納女fans，但都要顧男fans，今年都仍然有一本係出靚相，主題係屋企，所以我出動好多私伙睡衣嚟影相。」問到雨僑(羽翹)會否博盡性感與一眾o靚模對撼時，她說：「次次打開人哋嘅書，見個個身材好有睇頭，市場上有好多唔同類型嘅女仔，我唔想加入戰團。」
from:
http://hk.apple.nextmedia ... art_id=14099282
