王祖藍昨日到將軍澳出席「2010國際聖誕老人運動會香港區選拔賽」，剛與杜汶澤出席完高雄電影節返港的他，透露近日要忙於籌備「荃加福祿壽」演唱會及綵排台慶，祖藍笑指現時已欠落一身飛債，他說：「好多人追緊我飛，不過都唔夠阮兆祥勁，佢一個客已經訂600張，我點夠佢鬥！」提及演唱會內可會有甚麼特別造型？祖藍即說：「啲衫會上天下海，好似我會飛天，祥仔會落海，思捷就會噴火，我哋服裝費過百萬over晒budget，所以阿姐就成日提住我哋係要做四個人嘅衫，要睇住budget！」
祖藍曾跟涉打敖嘉年的冼灝英合作，他表示對方是其父親的師弟，祖藍說：「我爸爸都係學大聖劈掛嘅，佢係我爸爸嘅師弟。同佢合作嗰時反而係我成日打佢，同佢夾開佢都幾玩得嘅，個人同脾氣都OK。」
from:
http://hk.apple.nextmedia ... art_id=14616171
